विराटनगर १३ मंसिर । नेकपा एमालेको ११ औं महाधिवेशनका लागि कोशी प्रदेशको ५ जिल्लामा सर्वसम्मत प्रतिनिधि छनोट भएका छन् ।
एमाले कोशी प्रदेश अध्यक्ष घनश्याम खतिवडाका अनुसार कोशी प्रदेशको भोजपुर,ताप्लेजुङ, इलाम, पाँचथर र सोलुखुम्बुमा सर्वसम्मत रुपमा महाधिवेशन प्रतिनिधि छानिएका हुन् ।
तेह्रथुम र खोटाङ जिल्लमा सहमतिमा लागि मतदानको प्रकृया रोकिएको छ । धनकुटामा प्रतिनिधि छनोटका लागि मतदानका क्रममा विवाद भएको उहाँले बताउनुभयो ।
अध्यक्ष खतिवडाका अनुसार झापा, मोरङ, सुनसरी,उदयपुर र ओखलढुंगामा मतदान भएको छ । कोशी प्रदेशबाट २२९ जना महाधिवेशन प्रतिनिधि छानिनेछन् ।
