विराटनगर १३ मंसिर । नेकपा एमालेको ११ औं राष्ट्रिय महाधिवेशन प्रतिनिधि चयनका लागि आज मोरङमा भएको निर्वाचनको मतगणना जारी छ ।
प्रतिनिधिसभाका ५ र दलित एक गरि ६ वटै निर्वाचन क्षेत्रमा मतगणना जारी रहेको निर्वाचन संयोजक गणेशराज लुइँटेलले जानकारी दिनुभयो । उहाँका अनुशार सवै क्षेत्रमा निर्वाध रुपमा मतगणना जारी छ ।
क्षेत्र नं. ५ र क्षेत्र नं. २ को महिला गरि ८ जना प्रतिनिधि सर्वसम्मत भएका छन् ।
बाँकी ३८ महाधिवेशन प्रतिनिधि चयनका लागि ८६ जना प्रतिष्पर्धामा छन् । मोरङमा केपी ओली समूह र इश्वर पोखरेल समूहवीच तीव्र प्रतिष्पर्धा छ ।
