विराटनगर ३ चैत । विराटनगरमा जारी कोशी प्रदेश नेशनल टी २० च्याम्पियन्सीपको उपाधि भिडन्त त्रिभुवन आर्मी क्लब र कर्णाली प्रदेशबीच हुने भएको छ ।
शुक्रबार सम्पन्न दोस्रो सेमीफाइनलमा लुम्बिनी प्रदेशलाई ५ विकेटले पराजित गर्दैै कर्णालीले उपाधि भिडन्तमा स्थान पक्का गरेको हो । यससंगै शनिबार हुने ५ लाख रुपैया र उपाधिका लागि च्याम्पियन्सीपमा अपराजित यात्रा गरिरहेको आर्मी र पाँच खेलमा तीनमा जित हात पारेको कर्णालीबीच हुनेछ । यसअघि, फाइनलका लागि स्थान बनाएको आर्मी क्लबले सुदूरपश्चिमलाई ५ विकेटले पराजित गरेको थियो ।
फागुन २२ गतेबाट सुरु भएको प्रतियोगितामा तीन विभागिय टोली र सात प्रदेशको सहभागिता रहेको थियो । फाइनल खेल दिउँसो १२ बजेबाट सुरु हुने आयोजित मोरङ जिल्ला क्रिकेट संघका अध्यक्ष मोहम्मद साद कु्रैसीले जानकारी दिनुभयो ।
