विराटनगर १७ वैशाख । विराटनगर ८ को बाल पुस्तकालयले शनिबार गरेको रक्तदानमा २९ पिन्ट रगत संकलन भएको छ ।
विराटनगर महानगरपालिका वडा नं. ८ का वडाध्यक्ष राम पोखरेलको प्रमुख आतिथ्यतामा भएको रक्तदान कार्यक्रममा १९ महिला सहित २९ जनाले रक्तदान गरेको पुस्तकालय अध्यक्ष इन्द्रप्रसाद निरौलाले जानकारी दिनुभयो ।
पछिल्लो समय रगत अभाव भईरहेको अवस्थालाई दृष्टिगत गरि क्लवले रक्तदान कार्यक्रम आयोजना गरेको पुस्तकालयका सचिव राजन भण्डारीले बताउनुभयो ।
कार्यक्रममा पुस्तकालयका मधुसुदन घिमिरे, शेरबहादुर थापा, उषा बराल लगायतको सहभागिता रहेको थियो ।
बाल पुस्तकालयले हाजिरीजवाफ, वक्तृत्वकला, कविता, निवन्ध प्रतियोगिता लगायतका गतिविधिहरु गर्दै आएको छ ।
