विराटनगर, १४ जेठ । विराटनगर ५ त्रिमूर्ती चौकको तेजस्वी वचत तथा ऋण सहकारी संस्थामा आज खुल्ला रक्तदान कार्यक्रम गरिएको छ ।
सहकारीको कार्यालय परिसरमा तेजस्वी सहकारी र हाम्रो क्लवको संयुक्त आयोजना गरिएको रक्तदान कार्यक्रममा ४८ जनाले रक्तदान गरेको संस्थाका अध्यक्ष रमेश आचार्यले जानकारी दिनुभयो । कार्यक्रममा विराटनगर महानगरपालिका वडा नम्वर ५ का अध्यक्ष सन्तोष न्यौपाने, सहकारी संस्थाका अध्यक्ष आचार्य लगायतले रक्तदान गर्नुभएको थियो ।
नेपाल रेडक्रस सोसाईटीको प्राविधिक सहयोगमा रक्तदान गरिएको थियो । सहकारी संस्थाले सामाजिक उत्तरदायीत्व अन्र्तगत वर्षभरिनै विविध कार्यक्रम गर्दै आएको छ ।
