विराटनगर २९ फागुन । नवनिर्वाचित राष्ट्रपति रामचन्द्र पौडेलले पद तथा गोपनीयताको शपथ ग्रहण गर्नुभएको छ ।
आज राष्ट्रपति भवन शीतल निवासमा नवनिर्वाचित राष्ट्रपति पौडेलले शपथ ग्रहण गर्नुभएको हो । उहाँलाई कायममुकायम प्रधानन्यायाधीश हरिकृष्ण कार्कीले शपथ ग्रहण गराउनु भएको हो । रामचन्द्र पौडेल गत फागुन २५ गते बिहीबार राष्ट्रपतिमा निर्वाचित हुनुभएको थियो । यसैवीच निवर्तमान राष्ट्रपति विद्यादेवी भण्डारीको बिदाई भएको छ ।
आज उहाँको राष्ट्रपति निवास शीतलनिवासबाट बिदाई गरिएको हो । राष्ट्रपति रामचन्द्र पौडेलले पद तथा गोपनियताको शपथ लिएसँगै राष्ट्रपति भण्डारीको बिदाई गरिएको हो । उहाँलाई नेपाली सेनाले २१ टोपको सलामी दिएर बिदाई गरिएको छ ।
बिदाइ पश्चात नवनिर्वाचित राष्ट्रपति रामचन्द्र पौडेलले निवर्तमान राष्ट्रपति भण्डारी गाडीसम्म छोड्न जानु भएको थियो ।
