विराटनगर, १४ भदौ । त्रिभुवन विश्वविद्यालय प्राध्यापक संघ महेन्द्र मोरङ आदर्श बहुमुखी क्याम्पस इकाइको ११ जना सदस्यका लागि शुक्रबार निर्वाचन सम्पन्न भएको छ ।
निर्वाचनबाट नेपाली काँग्रेस निकट नेपाल प्रजातान्त्रिक प्रध्यापक संघका नविन अधिकारी, डा उपेन्द्र मेहता, डा. राजेन्द्र प्रसाद चौधरी, जय नाथ यादब,सीताराम चौलागाई र युवराज साहु निर्वाचित भएका छन् । त्यसैगरी नेकपा एमाले निकट नेपाल प्रगतिशित प्रध्यापक सङ्गठनका माधव रेग्मी, बाबुराम बुढाथोकी र तुलसी प्रसाद निरौला निर्वाचित हुनु भएको छ ।
नेकपा माओबादी निकट नेपाल राष्ट्रिय प्रध्यापक संङ्गठनका सूर्य नारायण यादब तथा स्वतन्त्र उम्मेद्वार अर्जुन तामाङ निर्वाचित हुनु भएको छ । संघको बैधानिक व्यवस्था अुनसार उक्त इकाइ समितिमा एकल सङक्रमणिय निर्वाचन प्रणालीका आधारमा कार्य समितिका ११ जना सदस्यहरु निर्वाचित हुन्छन् ।
निर्वाचित सदस्यहरुमध्येबाट सभापति, उपसभापति, सचिव, कोषाध्यक्ष गरी पाँच जना पदाधिकारीहरुको छनौट हुने सङ्घको बैधानिक व्यवस्था रहेको छ ।
