विराटनगर २० पुस । विराटनगर ५ मा रहेको बाल संसार मन्टेश्वरीमा सप्ताहव्यापी स्पोर्टस् मिट सम्पन्न भएको छ ।

स्पोर्टस् मिटको अन्तिम दिन आज विभिन्न विधागत रुपमा प्रथम, दोश्रो र तेश्रो हुन विद्यार्थीहरुलाई मेडल सहित पुरस्कृत गरिएको प्रिन्सीपल खड्ग राईले जानकारी दिनुभयो । स्पोर्टस् मिटमा प्ले ग्रुप देखि कक्षा ५ सम्मका सम्पूर्ण विद्यार्थीले सहभागिता जनाएको उहाँले बताउनुभयो । स्कुलले बार्षिक रुपमा स्पोर्टस् मिट गर्दै आएको प्रिन्सीपल राईले बताउनुभयो ।

स्पोर्टस् मिटमा विद्यार्थी आफैले छनौट गरेको खेलमा प्रतिष्पर्धा गरेका थिए । अर्धबार्षिक परीक्षा पछि स्कुलले स्पोर्टस् मिटको आयोजना गरेको हो ।
स्पोर्टस् मिटले विद्यार्थीको प्रतिभा प्रस्फुटनमा सहयोग मिल्ने प्रिन्सीपल राईले बताउनुभयो । उहाँले भन्नुभयो,‘ बाल संसारका विद्यार्थी विद्यालय बाहिर हुने प्रतियोगितान्मक प्रतिष्पर्धामा सक्षम रहेको र उपाधि जित्दै आएका छन् ।
स्कुलले अध्ययन÷अध्यापनका साथसाथै विद्यार्थीको रुची अनुसारको क्रिकेट, फुटबल, कराँते, नृत्य, बाध्यबाधन लगायतका विधामा प्रशिक्षण गराउँदै आएको छ ।