विराटनगर, २६ चैत । आगामी चैत २६ गतेदेखि मोरङको जहदा गाउँपालिकामा अध्यक्ष कप क्रिकेट टुर्नामेन्ट हुने भएको छ । लक्ष्मिनिया युवा क्लबको आयोजनामा जहदा गाउँपालिका वडा नं. ६ स्थित पोखरिया खेल मैदानमा चैत्र २६ देखि बैशाख ३ गतेसम्म वडास्तरीय क्रिकेट टुर्नामेन्ट हुने भएको हो ।
आज विराटनगरमा पत्रकार सम्मेलन गर्दै आयोजकले टुर्नामेन्ट बारे जानकारी दिएको छ । प्रतियोगितामा आयोजक लक्ष्मिनिया युवा क्लबका साथै जहदा गाउँपालिकाका ७ वटै वडाले सहभागिता जनाउने आयोजक संस्थाका अध्यक्ष नितेश कुमार साहले बताउनुभयो ।
प्रतियोगिताको विजेताले ३१ हजार र उपविजेताले २१ हजार रुपैयाँको नगद पुरस्कार सहित मेडल, प्रमाण–पत्र र रनिङ शिल्ड प्राप्त गर्ने आयोजकले बताएको छ ।
