विराटनगर १४ मंसिर । विराटनगरमा आजदेखि प्राइम अस्पतालले सेवा शुरु गरेको छ । विराटनगर हस्पिटल चौकमा साविक गोल्डेन अस्पताल सञ्चालन भएको भवनबाट प्राइम अस्पतालले आजदेखि सेवा शुरु गरेको हो ।
अस्पतालको ७ जना सञ्चालकका आमाहरुले सामुहिक रुपमा उद्घाटन गर्नु भएको थियो । अस्पतालका सञ्चालक सनातन मण्डलले अस्पताल भवनको पुननिर्माण र उपकरण सहित गरि ११ करोडको लागतमा २५ शैयाको अस्पताल शुरु गरिएको बताउनुभयो । उहाँले चाँडै १ सय शैयामा विस्तार गरिने पनि जानकारी दिनुभयो ।
उद्घाटन समारोहमा अस्पतालका सञ्चालक सनातन मण्डल, डा. रमेश चौरसिया, डा. रंजिव यादव, डा. अजय महतो, डा. मनिष अग्रवाल र डा. टेकनारायण यादव लगायतको सहभागिता रहेको थियो । डा. रमेश चौरसिया प्राइम अस्पताल सञ्चालक समितिका अध्यक्ष रहनु भएको छ । आइतबारदेखि १५ जना विशेषज्ञ चिकित्सकहरूले सेवा सुरु गरेको अस्पताल प्रशासनले जनाएका छ ।
