विराटनगर १४ मंसिर । नेकपा एमालेको ११ औं राष्ट्रिय महाधिवेशन प्रतिनिधिका लागि निर्वाचन भएको सवै क्षेत्रको अन्तिम मत परिणाम सार्वजनिक भएको छ ।
घोषित परिणाम अनुशार ओली पक्षका बढी प्रतिनिधि निर्वाचित भएका छन् । प्रतिनिधिसभाका ६ र एक दलित गरि ७ वटा निर्वाचन क्षेत्रबाट ४६ प्रतिनिधिका लागि भएको निर्वाचनमा २५ जना पार्टी अध्यक्ष केपी ओली र २० जना बरिष्ठ नेता इश्वर पोखरेल पक्षका निर्वाचित भएका छन् । निर्वाचनमा दुवै पक्षले समूहगत प्रतिष्पर्धा गरेका थिए ।
क्षेत्र नं. ४ बाट एक प्रतिनिधि गुणावती धामी दुवै समूहमा रहेर निर्वाचित भएकी छिन् । धामीलाई दुवै पक्षले दावी गरेका छन् ।
ओली पक्षबाट मोरङ १ का सवै उम्मेदवारहरु डिल्लीराम शर्मा अधिकारी, गंगाप्रसाद खरेल, उमाकान्त गौतम, बुद्धिमान लिम्वु, उर्गेन तामाङ, शान्तिकुमारी लिम्वु, मेनु पाण्डे र सरला राई निर्बाचित हुनु भएको छ । क्षेत्र नं. २ बाट ऋषिकेश पोखरेल, श्याम राजवंशी, सुशील बुढाथोकी, करण ठाकुर, रामजना अधिकारी (निर्विरोध) निर्वाचित भए ।
क्षेत्र नं. ३ बाट भूपाल श्रेष्ठ, राजकुमार ओझा, यमुना विष्ट र सीता सीता तामाङ निर्वाचित भएका छन् । क्षेत्र नं. ४ बाट ओली पक्षकै नरेन्द्र बस्नेत, मुकेश बुढाथोकी, विमला घिमिरे, र राम पोखरेल, क्षेत्र नंं ५ बाट दिलिप बगडिया र शान्त डंगोल (निर्विरोध) निर्वाचित भएका छन् । हुनु भएको छ । दलित निर्वाचन क्षेत्रबाट ओली पक्षका किशोर विक र रिंकु परियार निर्वाचित भएका छन् ।
बरिष्ठ नेता पोखरेल समूहबाट क्षेत्र नं. ६ का सवै उम्मेदवारहरु रमेशप्रसाद पोखरेल, पितकुमार श्रेष्ठ, विनोदप्रसाद ढकाल, सत्यनारायण चौधरी, सरस्वती भण्डारी, सरस्वती खरेल र सन्तोष घिमिरे निर्वाचित भएका छन् ।
क्षेत्र नंं २ बाट लिलाबल्लभ अधिकारी र गीतादेवी बानियाँ कार्की (निर्विरोध), क्षेत्र नं. ३ बाट इरन राई, भोला अधिकारी, ज्ञानेन्द्र सुवेदी, धनमायाँ तामाङ र निरजकुमार ढकाल, क्षेत्र नं. ४ बाट महेशप्रसाद भट्टराई, क्षेत्र नं. ५ बाट ज्ञानेश्वर राजवंशी, मनोज अग्रवाल, उषा झा, मो. अमित आजात निर्वाचित भएका छन् ।
दलित निर्वाचन क्षेत्रबाट पोखरेल समूहका खेमचन्द्र नेपाली निर्वाचित हुनु भएको छ ।
