विराटनगर १४ मंसिर । नेकपा एमालेको ११ औं राष्ट्रिय महाधिवेशन प्रतिनिधि चयनका लागि सर्वसम्मत एक सहित ५ निर्वाचन क्षेत्रको अन्तिम मतपरिणाम सार्वजनिक भएको छ ।
हालसम्म सार्वजनिक परिणाम अनुशार पार्टी अध्यक्ष केपी शर्मा ओली पक्षका १९ र बरिष्ठ नेता इश्वर पोखरल पक्षका १४ जना निर्वाचित भएका छन् । क्षेत्र नं. ४ बाट एक प्रतिनिधि गुणावती धामी दुवै समूहमा रहेर निर्वाचित भएकी छिन् ।
प्रतिनिधिसभाका ६ र एक दलित गरि ७ वटा निर्वाचन क्षेत्र मध्ये मोरङ ३ र दलित क्षेत्रको मतगणना जारी छ ।
सार्वजनिक परिणाम अनुशार ओली पक्षबाट मोरङ १ का सवै उम्मेदवारहरु डिल्लीराम शर्मा अधिकारी, गंगाप्रसाद खरेल, उमाकान्त गौतम, बुद्धिमान लिम्वु, उर्गेन तामाङ, शान्तिकुमारी लिम्वु, मेनु पाण्डे र सरला राई निर्बाचित हुनु भएको छ ।
त्यसैगरि क्षेत्र नं. २ बाट ऋषिकेश पोखरेल, श्याम राजवंशी, सुशील बुढाथोकी, करण ठाकुर, रामजना अधिकारी (निर्विरोध) निर्वाचित भए ।
क्षेत्र नं. ४ बाट ओली पक्षकै नरेन्द्र बस्नेत, मुकेश बुढाथोकी, विमला घिमिरे, र राम पोखरेल, क्षेत्र नंं ५ बाट दिलिप बगडिया र शान्त डंगोल (निर्विरोध) निर्वाचित भएका छन् । हुनु भएको छ ।
बरिष्ठ नेता पोखरेल समूहबाट क्षेत्र नं. ६ का सवै उम्मेदवारहरु रमेशप्रसाद पोखरेल, पितकुमार श्रेष्ठ, विनोदप्रसाद ढकाल, सत्यनारायण चौधरी, सरस्वती भण्डारी, सरस्वती खरेल र सन्तोष घिमिरे निर्वाचित भएका छन् ।
क्षेत्र नंं २ बाट लिलाबल्लभ अधिकारी र गीतादेवी बानियाँ कार्की (निर्विरोध) क्षेत्र नं. ४ बाट महेशप्रसाद भट्टराई, क्षेत्र नं. ५ बाट ज्ञानेश्वर राजवंशी, मनोज अग्रवाल, उषा झा, मो. अमित आजात निर्वाचित भएका छन् ।
मोरङबाट ४६ महाधिवेशन प्रतिनिधि मध्ये ३५ जना निर्वाचित भईसकेका छन् । क्षेत्र नं. ३ र दलित क्षेत्र गरि १२ जना निर्वाचित हुन बाँकी रहेको छ ।
अन्तिम मतपरिणाम सार्वजनिक नभएका क्षेत्रमा मतगणना जारी छ ।
