विराटनगर, १४ भदौ । नेपाली कांग्रेस विराटनगर–४ ले क्रियाशिल सदस्यताको प्रमाणपत्र वितरण तथा नेता कार्यकर्ता भेटघाट कार्यक्रम सम्पन्न गरेको छ । आज विराटनगर स्थित कचंनवारी रहेको वडा कार्यालयमा एक कार्यक्रमवीच उक्त कार्यक्रम सम्पन्न भएको हो ।
वडा सभापति राजकुमार तवदारको नेतृत्वमा भएको यस कार्यक्रमले वडाभरीका कांग्रेस नेता तथा कार्यकर्ता उत्साह थपेको छ । कार्यक्रमको प्रमुख अतिथीकारुपमा आएका नेपाली कांग्रेसका नेता तथा पूर्व प्रदेशसभा सदस्य चुमनारायण तवदारले वडामा कांग्रेस चलायमान भएकोमा खुसी व्यक्त गर्नुभयो । उहाँले साझा अवधारणाका साथ जनता संगै रहन र समस्या समाधानको पहलमा लाग्न नेता तथा कार्यकर्ताहरुलाई आग्रह गर्नुभयो ।
नेपाली कांग्रेस मोरङका सहसचिव सञ्जय मण्डलले क्रियाशिल सदस्यको नाम संकलनको काम सकिएको र नामावली उतार्ने काम जिल्लामा भइरहेको जानकारी दिनुभयो । वडाका २८ वटा टोल समिति र कृयाशिल सदस्यको संख्या ४३९ जना रहेको छ । यससंगै वडा सभापति राजकुमार तवदारले केहीदिन भित्रै टोल–टोलमा छलफल चलाउने उद््घोष गर्नुभएको छ । उहाँ नेपाली कांग्रेस वडा नं.४ बाट आगामी निर्वाचनका लागि वडाध्यक्षको आकांक्षी समेत हुनुहुन्छ ।
प्रदेशसभा प्रतिनिधि विनयहरि दाहालले प्रजातान्त्रिक विचारवाट प्रभावित कांग्रेसका नेता कार्यकर्ताले विचार संगै विकासका कामलाई निरन्तरता दिनुपर्नेमा जोड दिनुभयो ।
कार्यक्रममा नेपाली कांग्रेस वडा न.४ का उपाध्यक्षद्वय बलक राजबंशी, अर्जुन चुडाल, सचिव राजेन्द्र भट्टराई (राजन), स्थानीय नेताहरु काशीनाथ चुडाल, सुरेश थापा मगर, कौशल निरौला, दीपक गोसाइ, मुरारी धिताल, खिलराज घिमिरे, गयालाल मण्डल, अमृता थापा मगर ,दीवस राजबंशी, गणेश ब.मगर , डोरप्रसाद गिरी,परमेश्वर ढुङाना,भोलाराम चौधरी, मुकेश शर्मा ,किशोर श्रेष्ठ लगायतको सहभागिता रहेको थियो ।
