विराटनगर, १३ वैशाख । कोशी प्रदेशको समृद्धिका लागि सरकारले निजी क्षेत्रसँग सहकार्य गरी कृषि ,उर्जा र पर्यटन क्षेत्रको विकास गर्नुपर्ने सुझाव दिएका छन् । उनीहरुले सरकारले लगानी मैत्री वातावरण तयारी गरी प्रदेशका कृषी उत्पादनलाई ब्राण्डिङ्ग गरी अन्तर्राष्ट्रिय बजारीकरण गर्नुपर्नेमा जोड दिएका छन् ।
आज विराटनगरमा आयोजित आर्थिक वहस अन्तर्गत कोशी प्रदेश योगदान, सम्भावना, अवसर र चूनौति विषयक अन्तरक्रियामा उहाँहरुले स्वेदशी उत्पादन नागरिकमा खपत वृद्धिका लागि विशेष नीति ल्याउनु पर्ने सुझाव दिएका छन् । प्रदेश योजना आयोगका उपाध्यक्ष पुरञ्जन आचार्यले प्रदेशमा भौतिक पूर्वाधारमा भएको लगानी अनुसार आगामी सात वर्षमा मलेशिया स्तरको प्रतिव्यक्ति आम्दानी हुने दावी गर्नु भयो । उहाँले उद्योगको विस्तार र प्रदेशको समृद्धिका लागि उर्जा आवश्यक भएकोले निजी क्षेत्रलाई खुल्ला हृदयले यसमा लगानी गर्न आग्रह गर्नु भयो ।
वुढीगंगा गाउँपालिका र कटहरी गाउँपालिकाका अध्यक्षहरु क्रमशः जितनारायण थापामगर र देवराज चौधरीले यस क्षेत्रमा उद्योग स्थापनाका लागि जग्गा सहज रुपमा उपलव्ध गराउने प्रतिवद्धता व्यक्त्त गर्नु भयो । प्रदेशका आर्थिक मामिला तथा योजना मन्त्रालयका सचिव श्यामप्रसाद भण्डारीले उर्जा, वन र जलस्रोतले मुलुमको समृद्धि कायम हुनाले निजी क्षेत्र क्षेत्रलाई सरकारीले सहजीकरण गर्ने विश्वास दिलाउनु भयो ।
मोरङका प्रमुख जिल्ला अधिकारी प्रेमप्रसाद भट्टराई र आन्तिक राजश्व कार्यालय विराटनगरका प्रमुख डा डिवी क्षेत्रीलाई खुल्ला सीमाबाट हुने चोरी पैठारीमा कडाई गरेको बताउँदै कृषिलाई अनुदानमा आधारित वनाउन पर्ने सुझाव दिनु भयो ।
नेपाल उद्योग वाणिज्य महासंघ प्रदेश प्रमुख राजेन्द्र राउतले सरकारले आयातलाई निरुत्साहित गर्न उद्योग स्थापनामा सहयोग र प्रोत्साहन दिनु पर्ने राय व्यक्त्त गर्नु भयो । उद्योग संगठन मोरङका अध्यक्ष राकेश सुरानाले प्रदेशका आर्थिक परिसूचक अवधारणा प्रस्तुत गर्नु भएको थियो ।
