विराटनगर २५ असोज । आरोहण गुरुकुल विराटनगरमा बालबालिका लक्षित नाट्य कार्यशाला सञ्चालन गरिने भएको छ ।
गुरुकुल कै आयोजनामा आगामी कार्तिक १० देखि २४ गतेसम्म अभिनय, नाट्य लेखन तथा प्रदर्शन लगायतबारे तालिम प्रदान गरिने भएको हो । ७ देखि १५ वर्ष उमेर समूहका २५ जनालाई सहभागी गराएर कार्यशाला सञ्चालन गर्न लागिएको गुरुकुल विराटनगरका अध्यक्ष भैरव क्षेत्रीले जानकारी दिए ।
विहान ११ बजेदेखि दिउँसो ३ बजेसम्म हुने कार्यशालामा सहभागी भएकाहरुलाई अभिनय, नाटक मञ्चन, सिर्जनात्मक लेखन–नाट्य लेखन लगायत तालिम प्रदान गरिने अध्यक्ष क्षेत्रीले बताउनुभयो । कार्यशालमा सहभागी हुन इच्छुकहरुले गुरुकुलमा सम्पर्क गर्न सकिने उहाँले बताउनुभयो ।
