विराटनगर २१ चैत । कोशी प्रदेश सडक बालबालिकामुक्त प्रदेश घोषणा उन्मुख भएको छ । सडकआश्रित १२० बाल बालिका मध्ये ११० जनाको उद्धार गरिएको छ ।
सडक आश्रित १० जनाको उद्धार गरेपछि सडक बालबालिकामुक्त प्रदेश घोषणा हुने ाष्ट्रिय बालअधिकार परिषद्, बालबालिका खोजतलास प्रदेश समन्वय केन्द्र १०४ कोशी प्रदेशका समन्वय अधिकृत सुमन अधिकारीले जानकारी दिनुभयो ।
राष्ट्रिय बालअधिकार परिषद्, बालबालिका खोजतलास प्रदेश समन्वय केन्द्र १०४ कोशी प्रदेशको आयोजना, भ्वाईस अफ चिल्ड्रेन र बालबालिका शान्तिक्षेत्र अभियान (सिजप)को सहकार्यमा कोशी प्रदेशमा बालसंरक्षण र अनलाईन सुरक्षा सम्वन्धी बुधबार आयोजित अन्तरक्रिया कार्यक्रममा सो जानकारी दिईएको हो ।
राष्ट्रिय बालअधिकार परिषद्, बालबालिका खोजतलास प्रदेश समन्वय केन्द्र १०४ कोशी प्रदेशका समन्वय अधिकृत अधिकारीका अनुसार पछिल्लो ८ महिनामा ५६२ बालबालिका पीडित बनेका छन् । बाल यौन दुव्र्यवहारमा ५९, भवितव्य मृत्यु ६१, हत्या १, मानव बेचविखन ७, कर्तव्य ज्यान १०, शिशु हत्या १, जवरजस्ती करणी १९५, जवरजस्ती करणी उद्योग १७, अप्राकृतिक मैथुन ३, अपहरण ३, आत्महत्या १६२ र लागुऔषधको घटनाबाट ४३ जना बालबालिका पीडित बनेका छन् । चालु आर्थिक वर्षको ८ महिनामा ३३ जनाको बालविवाह भएको छ ।
कार्यक्रममा कोशी प्रदेशमा आ.व.२०८०–८१ मा अनलाईन वाट २४ जना बालबालिका पीडित भएको, अहिले बालबालिकाहरु ईन्टरनेटवाट बालबालिकाहरु अधिक जोखिममा रहेको र यसका लागि तीनै तहका सरकार र सरोकारवाला निकायहरुले अभिभावक र बालबालिका सम्म पुग्ने कार्यक्रम सञ्चालन गर्नुपर्ने निष्कर्ष निकालिएको थियो ।
बालबालिकाको जनसंख्याको ३३ प्रतिशत भएपनिे प्राथमिकतामा कम पर्ने गरेको समन्वय अधिकृत अधिकारीले बताउनुभयो । उहाँका अनुशार नीति, कार्यक्रम, योजना, वजेटमा प्राथमिकता निर्धारण गर्न सकिएको छैन । अधिकारीले भन्नुभयो,‘ ऐन, कानूनले व्यवस्था गरेको विषयलाई कार्यान्वयनमा पुर्याउन सकिएको छैन । संरचनागत प्रवन्ध गरिएपनी स्रोत साधनयुक्त वनाउन सकिएन ।’
सिजपका अध्यक्ष मिना शर्माको अध्यक्षतामा सम्पन्न कार्यक्रममा बालबालिकासँग कार्यरत सरकारी तथा गैरसरकारी संस्थाहरु, बालबालिकाहरु, स्थानीय तहहरुको बालकल्याण अधिकारीहरुको सहभागिता रहेको थियो ।
