विराटनगर २० चैत । सरकारले गत चैत १५ गते काठमाडौंको तीनकुनेमा भएको प्रदर्शनमा ज्यान गुमाएकाको परिवारलाई १०–१० लाख दिने निर्णय गरेको छ ।
गृहमन्त्रीस्तरीय बैठकले उक्त निर्णय गरेको उनको सचिवालयले जनाएको छ । सो दुर्घटनामा परेर कीर्तिपुरका २९ वर्षीय सविन महर्जन र पत्रकार सुरेश रजकको निधन भएको थियो । उनीहरु दुवैको पोस्टमार्टम भइसकेको छ ।
पोस्टमार्टम रिपोर्ट अनुसार रजकको शरिरमा कुनै गोली नभेटिएको चिकित्सकले बताएका छन् । महर्जनको भने शरिरमा एउटा गोली लागेको भेटिएको थियो । सविनको मंगलबार नै दाहसंस्कार गरिएको छ । रजकको अहिले दाहसंस्कार गरिदैछ ।
