माओवादी केन्द्रका अध्यक्ष प्रचण्ड पहिचानका नाममा जातिय हिंसा बढाउन खाेज्दैछन : एमाले नेता ज्ञवाली

विराटनगर १७ फागुन । नेकपा एमालेका उपमहासचिव प्रदीप ज्ञवालीले नेकपा माओवादी केन्द्रका अध्यक्ष प्रचण्डले पहिचानका नाममा जातिय हिंसा बढाउन खाेजेकाे बताउनु भएकाे छ । काेशी प्रदेशमा जातिय हिंसा बढाउने काममा प्रचण्ड लागि परेकाे उहाँको भनाई   छ ।

एमाले माेरङकाे १० औ जिल्ला अधिवेशनकाे आज उद्घाटन कार्यक्रममा नेता ज्ञवालीले साे कुरा बताउनु भएकाे हाे । उहाँले सत्ता सहकार्यकाे ७ महिनामा सरकारले सफलता पाउँदै गएकाे बताउनुभयाे । सवै सूचकहरू बढेकाे नेता ज्ञवालीकाे भनाइ छ। सरकार छिमेकी देशसँग सन्तुलित व्यवहार गरेर अघि बढेकाे उहाले बताउनुभयाे ।

विपक्षीकाे डिक्सनेरीमा सरकार बनाउने र गिराउने मात्रै रहेकाे उहाँकाे आरोप छ । अहिले मुलुकमा अफवाह र निराशाकाे लडाइँ जारी रहेकाे उहाँले बताउनुभयाे । नेता ज्ञवालीले सत्ताबाट हटेपछि माओवादी केन्द्रका अध्यक्ष प्रचण्डलाई शहिदकाे याद आएको बताउनुभयाे । सत्तामा हुँदा सम्म केही नगर्ने अनि सत्ताबाट हटेपछि बर्बराउँदै हिँड्ने गरेकाे उहाँको भनाई छ ।

उपमहासचिव ज्ञवालीले आन्तरिक जीवनमा लाेकतन्त्रकाे उच्चतम अभ्यास गर्ने गरिएकाे बताउनुभयाे । पार्टी भित्रकाे लाेकतन्त्र भनेकाे सर्वसम्मति पनि भएकाे उहाँले बताउनुभयाे ।

जलवायु परिवर्तन, विश्व भू-राजनीति, आर्थिक-सामाजिक रूपान्तरणका चुनाैतीकाे समाधानका लागि एमालेलाई बहुमत आवश्यक भएकाे उहाँले बताउनुभयाे ।

आन्तरिक प्रतिष्पर्धालाई तिक्तता बनाइयाे भने पार्टीलाई अघि बढाउन नसकिने उपमहासचिव ज्ञवालीले बताउनुभयाे । उहाँले भन्नुभयाे, कांग्रेसका चिया, माओवादीसँग लञ्च गर्न सजिलाे र आफ्नै पार्टीका नेताहरूसँगै वस्न नसक्ने अवस्था नबनाेस ।´