विराटनगर १७ फागुन । नेकपा (एमाले)को मोरङको १० औं जिल्ला अधिवेशन विराटनगरमा शुरू भएकाे छ ।
उद्घाटन कार्यक्रममा एमाले उपाध्यक्ष रामबहादुर थापा (बादल) , गुरु बराल, उपमहासचिव प्रदिप ज्ञवाली, स्थायी कमिटी सदस्य काेशी प्रदेश इन्चार्ज शेरधन राई, स्थायी कमिटी सदस्य तथा काेशी प्रदेशका मुख्यमन्त्री हिक्मतकुमार कार्की, स्थायी कमिटी सदस्य भानुभक्त ढकाल लगायतका नेताहरूकाे सहभागिता रहेकाे छ ।
जिल्ला अधिवेशनका लागि ९ सय १४ जना प्रतिनिधि छानिएका छन् । जसमध्ये १७ वटा स्थानीय तहको १ सय ५९ वडाबाट ६ सय ९२ जना, २३ वटा जनवर्गीय संगठनबाट १ सय १ जना, विशेष क्षेत्रबाट २४ जना, दलित ५१ जना र मनोनित ४६ गरी ९ सय १४ जना प्रतिनिधि चयन गरिएको छ ।
फागुन १९ गतेसम्म चल्ने अधिवेशनले अधिवेशनले १ सय ६५ सदस्यीय नयाँ नेतृत्व चयन गर्नेछ ।
