सुशासनका लागि जागरण अभियान : प्रचण्ड

विराटनगर, १४ फागुन । नेपाल कम्युनिष्ट पार्टी(माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल‘प्रचण्ड’ले पूर्व–पश्चिम हुलाकी मार्ग केन्द्रित जागरण अभियानबाट जनतामा नयाँ चेतना अभिवृद्धि हुने बताउनु भएको छ ।

प्रेस सेनटर नेपाल, मोरङशाखाद्वारा आज यहाँ आयोजित पत्रकार सम्मेलनमा उहाँले दक्षिणी क्षेत्रमा बसोबास गर्ने आदिवासी, जनजाति, मधेशीको मुद्दालाई स्थापित गर्न जागरण अभियानले बल दिने कुरामा जोड दिनुभयो ।

अध्यक्ष दाहालले भत्रुभयो, ‘ आर्थिक विकास, समृद्धिका निम्ति जागरण अभियान आवश्यक छ, यसबाट उत्पादन र उत्पादकत्व बढाउन पनि मद्दत गर्नेछ ।’ उहाँले आफू प्रधानमन्त्री भएको समयमा छिमेकी मित्र राष्ट्रहरुसँग सुमधुर सम्बन्ध स्थापित गरेको चर्चा गर्दै सुशासन र भ्रष्टाचारीहरुलाई कारवाही गर्ने विषय लिएर सरकारबाट बाहिरिनु परेको स्पष्ट पार्नुभयो ।

अध्यक्ष दाहालले भत्रुभयो, ‘ मेची देखि पश्चिम कञ्चरपुरसम्मको यो अभियान भ्रष्टाचार विरुद्ध र सुशासनको निम्ति छ ।’

अभियानबाट जनता अत्यन्त उच्साहित भएको महसुस भएको प्रतिक्रिया दिँदै पूर्वप्रधानमन्त्री दाहालले यस क्षेत्रमा रहेको पर्यटनका सम्भावितहरुको अवलोकन गरी स्थानीय जनतामा र वुद्धिजीविलाई सचेत गराउनु हो भत्रुभयो । उहाँले परिवर्तनका वाहक नेकपा(माओवादी केन्द्र) नै हो र माओवादीले २०८४ सालको निर्वाचनमा सफलता पाएमा राजनीति स्थायित्व र समृद्धि प्राप्त हुने ठोकुवा गर्नुभयो ।

उहाँले प्रत्यक्ष निर्वाचित देशका कार्यकारी प्रमुख भएमा राजनीतिक विसङ्गतिको अन्त्य भई नेपाली जनताले चाहेको शान्ति र समृद्धि प्राप्त हुने भन्दै जनताका अधिकारलाई स्थापित गराउन संविधान संशोधन गर्नुपर्छ भत्रुभयो ।