विराटनगर १५ पुस । प्रवासमा बसेर नेपाली गीतसंगितको अलवा आफ्नो जातीय संस्कृतिको जगेर्नामा लागि पर्दै आएकी माया चाम्लिङ राईको साकेला सिली गीत ‘सुम्निमा पारुहाङ’ को म्युजिक भिडियो सार्वजनिक भएको छ ।
आफ्नो स्वर्गीय दाजु दील बहादुर चाम्लिङको साङ्गितीक प्रेरणाबाट साङ्गितिक क्षेत्रमा होमिएकी मायाले पहिलो पल्ट ‘सुम्निमा पारुहाङ’ बोलको गीतको म्युजिक भिडियो अनिल कोयु अफिसियल युटुव च्यानलबाट केही समय अगाडी सार्वजनिक गरेकी हुन् ।
किरात राई यायोक्खा कुवेतको उपाध्यक्ष समेत रहेकी माया चाम्लिङ राईको शब्द रहेको ‘सुम्निमा पारुहाङ’ गीतलाई गायिका मेलिना राई र परेश राईले स्वर दिएका छन् भने संगित अनिल कोयु राईको रहेको छ ।
उक्त म्युजिक भिडियोमा उमेश राई (फुलेन्देको आमा), सारा राई, हिरण राई, सन्दिप राई, सीता राई लगायतको अभिनय रहेको छ । यस म्युजिक भिडियोको कोरियोग्राफी भने कमल राईको रहेको छ ।
हालकुवेतमा रहेकी मायाले त्यहाँ रहेका नेपालीहरुलाई आफ्नो कला संस्कृति जगेर्नामा योगदान पुर्याउदै आएकी छिन भने उनी पनि एउटा कुशल नृत्याङ्गाना हुन् ।
