विराटनगर १७ मंसिर । माेरङ ग्रामथान गाउँपालिकाकाे अध्यक्षमा नेकपा माओवादी केन्द्रका नमाेनारायण माझी निर्वाचित हुनु भएकाे छ ।
केहीवेर अघि सम्पन्न अन्तिम मतपरिणाम अनुसार माझीले ६ हजार ९ सय ६९ मत प्राप्त गर्नु भएकाे छ । उहाँका निकटतम प्रतिद्वन्द्वी नेपाली कांग्रेसका बलराम सरदारले ५ हजार ३३३ मत प्राप्त गर्नुभयाे । नेकपा एमालेका तुल्सीराम विश्वासले ४ हजार १५९”मत प्राप्त गर्नु भएकाे मुख्य निर्वाचन अधिकृतकाे कार्यालयले जनाएको छ ।
ग्रामथानका अध्यक्ष पदमा एक स्वतन्त्र सहित १५ राजनीतिक दलका १६ जनाले उम्मेदवारी दिएका थिए ।
गत असार ३ गते ग्रामथानका अध्यक्ष जयप्रकाश गच्छदारकाे निधन भएपछि अध्यक्ष पदका लागि आइतबार मतदान भएकाे हाे ।
०७४ मा एमाले, ०७९ मा नेपाली कांग्रेस र ८१ उपनिर्वाचनमा माओवादीले ग्रामथानकाे अध्यक्षमा निर्वाचित भएकाे छ ।
