विराटनगर, २२ साउन । नेपाल कम्युनिष्ट पार्टी (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले आफ्नो पार्टी सरकारबाट बाहिरिएपछि आफ्ना भूमिका गम्भीर रुपले जनतामाझ राख्ने बताउनुभएको छ ।
सो पार्टीको कोशी प्रदेश समितिको सातौँ पूर्ण बैठकलाई आज सम्बोधन पछि उपस्थित पत्रकारलाई सो कुरा उहाँले बताउनुभएको हो । अध्यक्ष दाहालले पार्टीका स्थापित एजेण्डालाई जनता समक्ष लैजान कार्यकर्ता र सिङ्गो पार्टी लागि पर्ने बताउनुभयो । वर्तमान सरकारका सम्बन्धमा गरेको जिज्ञासामा उहाँले भत्रुभयो ,‘ हेर्दै जाउँ अगाडि के के हुन्छ ।’ उहाँले थप कुरा केही पनि बोल्न चाहनु भएन ।
कोशी प्रदेश समितिको सातौँ पूर्ण बैठकमा सहभागि हुन अध्यक्ष दाहाल हिजो विराटनगर आउनु भएको हो ।
