विराटनगर ३ साउन । विराटनगर–१० मा रहेको अरनिको कलेजले कक्षा ११ मा भर्ना भएको २६ औं व्याचका विद्यार्थीलाई अभिमुखीकरण कार्यक्रम गरेको छ ।
अभिमुखीकरण कार्यक्रममा कक्षा ११ मा भर्ना भएका १ हजार १५१ जना विद्यार्थीलाई आज कलेजमा अभिमुखीकरण कार्यक्रम गरेको हो । गुणस्तरिय शिक्षा र राम्रो व्यवस्थापनमा सञ्चालन भएको कलेज काठमाण्डौ बाहिरको उत्कृष्ट कलेज भएको कलेजले जनाएको छ ।
कार्यक्रममा कलेजले लिएको कक्षा ११ को तेस्रो त्रैमासिक परीक्षा, कक्षा ११ मा भर्ना हसालाई लिएको प्रवेश परीक्षामा उत्कृष्ट हसने विद्यार्थीलाई सम्मान गरिएको छ भने एसईई मा ४ जिपिए ल्याउने अन्वेशा बस्नेत, गृष्मा लुइटेल, प्रतिभा रौनियार, सुब्रत बराल, कृतज्ञ दाहाल र अजय लिम्बुलाई समेत सम्मान गरिएको छ ।
यस्तै विराटनगर–९ मा रहेको भानु कलेज कलेजमा भर्ना भएका नयाँ विद्यार्थीलाई एक दिने अभिमुखिकरण कार्यक्रमको आयोजना गरेको छ । कलेजले आज एक कार्यक्रम आयोजना गरी कक्षा ११ मा भर्ना भएका नयाँ विद्यार्थीलाई एक दिने अभिमुखिकरण कार्यक्रमको आयोजना गरेको छ ।
कलेजमा विज्ञान संकाय १ सय ९९ र व्यवस्थापन संकायमा १ सय ७१ जना विद्यार्थी भर्ना भएको कलेजका प्रिन्सिपल मोहनकुमार श्रेष्ठले जानकारी दिनुभयो । नयाँ भर्ना भएका विद्यार्थी २० औं ब्याजका रहेका प्रिन्सिपल श्रेष्ठले बताउनुभयो ।
