विराटनगर २२ असार । स्पेन र फ्रान्स युरो कप २०२४ को सेमीफाईनलमा प्रवेश गरेका छन् ।
गएराती सम्पन्न खेलमा स्पेनले जर्मन र फ्रान्सले पोर्चुगललाई पराजित गर्दै अन्तिम चारमा पुगेका हुन । आयोजक जर्मनीलाई अतिरिक्त समयमा पराजित गर्दै स्पेन युरो कप २०२४ को सेमिफाइनलमा प्रवेश गरेको छ ।
दुई उपाधि दावेदार बीचको खेलमा स्पेनले अतिरिक्त समयमा जर्मनी माथि २–१ को जित हात पारेको हो । निर्धारित ९० मिनेट १–१ को बराबरीमा सकिएपछि खेल अतिरिक्त समयले निर्धारण भएको थियो । अतिरिक्त समयको पनि अन्तिम समयमा स्पेनले विजयी गोल गरेको हो । ११९औं मिनेटमा मिकेल मेरिनोले गोल गर्दा स्पेनलाई अन्तिम चारमा पुर्याएका हुन् ।
यसैगरि टाइब्रेकरमा पोर्चुगललाई पराजित गर्दै फ्रान्सले युरोपेली च्याम्पियनसिपको सेमिफाइनलमा स्थान पक्का गरेको छ । टाइब्रेकरमा फ्रान्स ५–३ ले विजयी भयो । यसअघि दिनको पहिलो क्वाटरफाइनलमा स्पेनले जर्मनीलाई २–१ ले पराजित गर्दै सेमिफाइनलमा स्थान पक्का गरिसकेको थियो । आजको क्वाटरफाइनलमा इंग्ल्यान्ड र स्विटजरल्यान्ड तथा नेदरल्यान्ड्स र टर्कीले खेल्नेछन् ।
