विराटनगर ८ चैत । विराटनगर–१० मा रहेको कान्तिपुर कलेजले कक्षा १२ का विद्यार्थीलाई विदाई गरेको छ । कलेजले विराटनगरको कञ्चनजंगा होटेलमा एक कार्यक्रमको आयोजना गरि ९ औं ब्याचमा अध्ययनरत कक्षा–१२ का विद्यार्थीलाई विदाई गरेको हो ।
कलेजले शनिबार विज्ञान, व्यवस्थापन र होटेल मेनेजमेन्टका गरि ८ सय ३७ जना विद्यार्थीलाई अविर लगाएर मायाको चिनो दिएर विदाई गरेको छ । अध्ययन पुरा गरि वार्षिक परीक्षाको अन्तिम तयारीमा रहेका विद्यार्थीलाई कलेजका अध्यक्ष खुशीराज श्रेष्ठ, प्रिन्सिपल भुवन नेपाल, कलेजका निर्देशक प्राडा. तेजनारायण मण्डल, डा. जनक अधिकारी, सञ्चालक प्रदिप दास, विष्णु दाहाल, संतोष भगत र शंकर काफ्ले तथा विज्ञान संकायका को–अर्डिनेटर हिमाल बरालले उज्वल भविश्यको शुभकामना दिनुभयो ।
विदाइ कार्यक्रमको अवसरमा कक्षा–१२ का विज्ञान संकायका विद्यार्थीविच पोस्टर प्रतियोगिताको आयोजना गरेको थियो । रसायन र भौतिक शास्त्रमा अध्ययनर गरेका विद्यार्थीलाई पोस्टर प्रतियोगितामा सहभागि गराएको थियो । दुवै संकायका प्रथम हुने विद्यार्थीलई नगर ५ हजार नगदसहित पुरस्कार गरेको कलेजले जनाएको थियो ।
