विराटनगर २७ फागुन । विराटनगर जेसीजको ५१ औ स्थापना दिवस भब्य रुपमा विभिन्न कार्यक्रम आयोजना गरि सम्पन्न भएको छ ।
विराटनगरमा रक्तदान गर्ने पहिलो सस्थाका रुपमा परिचित विराटनगर जेसीजले आफ्नो स्थापना दिवसको अवसरमा विराटनगर ट्राफिक चौकमा रक्तदान कार्यक्रमको आयोजना गरेको थियो । त्यसैगरिस्थापना दिवसको अवसरमा पूर्वअध्यक्ष, विराटनगर जेसीज बोर्ड र सदस्य जुनियर जेसीज तथा समाजका अन्य व्यक्तित्वको उपस्थितिमा शुभकामना आदानप्रदान कार्यक्रम सम्पन्न भएको थियो ।
कार्यक्रमका बक्ताहरुले जेसीजको इतिहास बर्तमान अवस्था र भविस्यमा युवा पुस्ताको आकर्षणको केन्द्र कसरी बनाउने भन्ने बारेमा बिचार विमर्श समेत भएको थियो ।
विराटनगर जेसीजका अध्यक्ष तुलसी निरौलाका अनुसार विराटनगर जेसीजले नेतृत्व र व्यक्तित्व विकासका लागि सदैव युवाहरुलाई अभिप्रेरित गर्ने गरेकाले विराटनगरका १८ देखि ४० बर्ष सम्मका युवालाइ जेसीज अभियानमा सहभागी हुन आव्हान गर्नु भएको छ ।
