विराटनगर ४ फागुन । आज र भोली भैरहवामा हुने राष्ट्रिय महिला उद्यमी सम्मेलनमा सहभागिता जनाउनका लागि नेपाल उद्योग वाणिज्य महासंघ कोशी प्रदेशबाट १५ जनाको टोली प्रस्थान गरेको छ ।
कार्यसमिति सदस्य एवं महिला उद्यमी विकास समिति सभापति सरु केसीको नेतृत्वमा कोशी प्रदेशका १५ जना महिला उद्यमीहरुको टोली त्यसतर्फ प्रस्थान गरेको हो । नेपाल उद्योग वाणिज्य महासंघ महिला उद्यमी विकास समितिको अग्रसरता, नेपाल उद्योग वाणिज्य महासंघ लुम्बिनी प्रदेश र सिद्धार्थ उद्योग वाणिज्य संघको समन्वय एंव सहकार्यमा नेपालका महिला उद्यमीहरुबाट संचालित उद्योग व्यवसायको विकास, विस्तार एवं प्रबद्र्धनमा सहयोग पुर्याउने उद्देश्यले भैरहवामा राष्ट्रिय महिला उद्यमी सम्मेलन हुँदैछ ।
राष्ट्रिय महिला उद्यमी सम्मेलनको अवसरमा कोशी प्रदेशका महिला उद्यमीहरुबाट उत्पादन भएका वस्तुहरु प्रदर्शनीका लागि राखिने कार्यक्रम समेत रहेको छ । सो अवसरमा नेपाल उद्योग वाणिज्य महासंघ कोशी प्रदेशका कार्यकारी निर्देशक राधारमण भण्डारी (श्याम)ले महिला उद्यमीहरुलाई विदाई गर्दै शुभकामना दिनु भएको थियो ।
