विराटनगर २५ माघ । विराटनगर–५ स्थित एभरेष्ट सेकेण्डरी स्कुलमा इन्टर हाउस फुटबल टुर्नामेन्ट आज सम्पन्न भएको छ ।
प्रतियोगितामा चार समूहबाट चार–चार हाउसले सहभागिता जनाएका थिए । ती मध्ये विजयी दुई दुई टीमले उपाधिका लागि आज प्रतिष्पर्धा गरेका हुन् । जस अन्तर्गत कक्षा कक्षा ३,४ र ५को समूहबाट कोशी र गण्डकी फाइनल खेलेका हुन् । जसमा कोशीले गण्डकीलाई ३–० ले पराजित गर्दै उपाधि जितेको छ । कक्षा ६ र ७ को समूहबाट फाइनल खेलेका मेची र गण्डकी हाउसमा टाईब्रेकरमा गण्डकी विजयी भएको छ । कक्षा ८ र ९ को फाईनलमा कोशी र कर्णालीले प्रतिष्पर्धा गरेका थिए ।
कोशीले कर्णालीलाई ५– ० को फराकिलो अन्तरले पराजित गरेको थियो । छात्रा तर्फ लोटस हाउस विजयी भएको थियो ।
प्रतियोगिताका विजेता र उपबिजेतालाई विद्यालयका अध्यक्ष विनोद ढकाल, प्रीन्सिपल टिकाराम पुरी, भाईस प्रीन्सिपल टीएन भण्डारी र नारायण कडरीया लगायतले ट्रफी र मेडल वितरण गर्नुभएको थियो ।
