विराटनगर, ४ वैशाख । मोरङको जहदामा सम्पन्न अध्यक्ष कप क्रिकेट टुर्नामेन्टको उपाधि जहदा–४ ले हात पारेको छ ।
आयोजक लक्ष्मिनिया युवा क्लबलाई १५ रनले पराजितगर्दै जहदा–४ ले टुर्नामेन्टको उपाधि हात पारेको हो । १६६ रनको लक्ष्य पाएको लक्ष्मिनिया युवा क्लब १७ औं ओभरको प्रगतिमा सबै विकेट गुमाउँदै १५१ रनमा सिमित भएको थियो ।
जहदा–४ ले मेडल र प्रमाण–पत्र सहित नगद ३१ हजार तथा उप–विजेता बनेको लक्ष्मिनिया युवा क्लबले मेडल र प्रमाण–पत्र सहित नगद २१ हजारमा चित्त बुझायो ।
