विराटनगर, ३ वैशाख । भारतको पुरीस्थित गोवर्धन मठका पीठाधिश्वर श्रीमज्जगदगुरु शङ्कराचार्य स्वामी निश्चलानन्द सरस्वती विराटनगर आउने हुनुभएको छ ।
उहाँ वैशाख ४ गते विराटनगर आइपुग्ने बताइएको छ । शुक्रबार कार्य सम्पादन समितिले पत्रकार सम्मेलन गर्दै जनकपुर, लहान, राजविराज, इनरुवा, धरान हुँदै उहाँ ४ गते विराटनगर आइपुग्ने बताएको हो । उहाँ तीन दिन विराटनगरमा रहने कार्य सम्पादन समिति अध्यक्ष सुरेशकुमार शर्माले जानकारी दिनुभयो । उहाँको अभिनन्दनसहितको सबै कार्यक्रम अतिथि सदनमा हुने छ ।
कार्यक्रमलाई व्यवस्थित रूपमा सम्पन्न गर्न पाँच सय एक सदस्यीय मूल स्वागत समिति, १५ सदस्यीय कार्य सम्पादन समिति र ११ सदस्सीय परामर्श समिति गठन गरिएको छ ।
सुरक्षाको विषय लगायतलाई लिएर यस विषयमा प्रशासन संग छलफल गरिने समितिका सचिव श्याम प्रसाद पौडेलले जानकारी दिनुभयो ।
