विराटनगर, २८ चैत । मोरङको जहदा गाउँपालिकामा जारी ‘अध्यक्ष कप क्रिकेट टुर्नामेन्ट–२०७८’ को सोमबारको तेश्रो खेलमा जहदा–२ ले सफलता हात पारेको छ ।
जहदा गाउँपालिका वडा नं. ६ स्थित पोखरिया खेल मैदानमा भएको टुर्नामेन्टमा जहदा–२ ले जहदा–३ लाई ४ विकेटले पराजित गरेको हो । टस हारेर ब्याटिङ गरेको जहदा–३ ले निर्धारित २० ओभरको खेलमा १८ ओभरमा सबै विकेट गुमाई १६५ रनको स्कोर खडा गरेको थियो ।
१६६ रनको लक्ष्य पाएको जहदा–२ ले १६ औं ओभरको प्रगतिमा ६ विकेट गुमाई सो विजयी लक्ष्य भेट्टाएको थियो ।
लिगकम नकआउटको आधारमा बैशाख ३ गतेसम्म चल्ने वडास्तरीय क्रिकेट टुर्नामेन्टको भोलीको खेल जहदा–६ र आयोजक लक्ष्मिनिया युवा क्लबबिच हुने जनाईएको छ ।
