विराटनगर, २३ साउन । पछिल्लो २४ घण्टामा ९३४ जना कोरोना संक्रमित थपिएका छन ।
देशभर गरिएको २ हजार ८६२ पीसीआर र २ हजार ४८९ जनाको एन्टीजेन परीक्षणका क्रममा ९३४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । गत २४ घण्टामा ४७० जना संक्रमित निको भएका छन । यो सँगै देशभर निको हुनेको संख्या ९ लाख ७२ हजार ९६७ पुगेको छ ।
उक्त अवधिमा एक जनाको मृत्यु भएको छ । यो सँगै मृत्यु हुनेको संख्या ११ हजार ९७२ पुगेको स्वास्थ्य मन्त्रालयले जनाएको छ । देशभर हाल ५ हजार ६८६ जना सक्रिय संक्रमित छन ।
