विराटनगर ५ असोज । गत भदौ २४ गते जेनजीको आन्दोलनका क्रममा तोडफोड, लुटपाट तथा आगजनीबाट क्षतिग्रस्त भएको जिल्ला प्रशासन कार्यालय मोरङलाई नेपाल उद्योग बाणिज्य संघ कोशी प्रदेशले १० थान कम्प्युटर उपलब्ध गराएको छ ।
तोडफोड, आगजनी लुटपाटका कारण सेवाग्राहीका आधारभूत सेवाहरु समेत प्रवाह गर्न समस्या भईरहेको अवस्थामा नेपाल उद्योग वाणिज्य महासंघ कोशी प्रदेशको तर्फबाट अध्यक्ष राजेन्द्र राउतले १० थान कम्प्यूटर उपलब्ध गराउनु भएको हो ।
सो कम्प्यूटर आज मोरङका प्रमुख जिल्ला अधिकारी इन्द्रदेव यादवलाई महासंघका कार्यकारी निर्देशक राधारमण भण्डारी (श्याम)ले हस्तान्तरण गर्नु भयो ।
यसैगरी आगलागीका कारण ध्वस्त भएको भवनमा रंगरोगनका लागि एशियन पेन्टस्बाट तीन सय लिटर रंग सहयोग प्राप्त भएको र रंगरोगन खर्च समेत महासंघबाट उपलब्ध गराइएको कार्यकारी निर्देशक भण्डारीले बताउनुभयो ।
