विराटनगर १४ भदौ । मोरङको कानेपोखरी गाउँपालिकाभित्रका घरबारविहीन अति विपन्न परिवारलाई घर हस्तान्तरण गरिएको छ ।
४१ अति विपन्न परिवारलाई आज नयाँ घर हस्तान्तरण गरिएको हो । मोरङ क्षेत्र नम्बर २ का प्रतिनिधिसभा सदस्यसमेत रहनुभएका सार्वजनिक लेखा समिति सभापति ऋषिकेश पोखरेल, प्रदेशसभा सदस्य लिलाबल्लभ अधिकारी, गाउँपालिका अध्यक्ष राजमती इङ्नाम, उपाध्यक्ष भोला अधिकारी लगायतको उपस्थितिमा घर हस्तान्तरण गरिएको हो ।
सहारा नेपाल र ह्याविटेट नेपालको सहकार्यमा गाउँपालिकाले वडा नम्बर १ को झरनाघुटुमा ११ घर र वडा नम्बर ३ को छाता चोकको कोहोलटोलमा ३० घर गरी ४१ घर निर्माण गरेको थियो ।
गाउँपालिकाका अनुसार उक्त घरहरु २ करोड २८ लाख १ हजार ३३० रुपैयाँको लागतमा निर्माण भएका हुन् । प्रति घर ५ लाख ५६ हजार १३० रुपैँयाको लागतमा निर्माण भएको हो ।
