विराटनगर २३ असोज । बाल संसार मन्टेश्वरी स्कुल विराटनगरले नेपालीहरुको महानपर्व दशैंको अवसरमा शुभकामना कार्यक्रम गरेको छ ।
स्कुलमा अध्ययनरन विद्यार्थीहरुलाई दशैंको शुभकामना दिएर विद्यालय विदा दिईएको छ । नेपाली कला र संस्कृतिका बारेमा विद्यार्थीलाई जानकारी दिने उद्देश्यले बालबालिकाहरुवीचमा विद्यालयमै जमरा उमारेर दशैं मनाईएको विद्यालयका प्रिन्सीपल खड्ग राईले जानकारी दिनुभयो । हरेक चाडपर्व विद्यालयले मनाउँदै आएको उहाँले बताउनुभयो ।
स्कुलले मंगलबार प्रि–प्राइमरी तहका विद्यार्थीहरुवीच दशैं कार्यक्रम गरेको थियो । बुधबार प्राईमरी तहका विद्यार्थीवीच दशैं कार्यक्रम गरि उनीहरुलाई टिका, जमरा लगाईदिएर दशैंको शुभकामना दिईएको थियो । विद्यार्थीलाई प्रिन्सीपल राई सहित शिक्षक शिक्षिकाहरुले टिका, जमरा लगाई दिनुभएको थियो ।
स्कुलले विद्यार्थीका साथै शिक्षक–शिक्षिकाहरु र कर्मचारीहरुवीच पनि दशैंको शुभकामना आदान–प्रदान गरिएको प्रिन्सीपल राईले बताउनुभयो ।
विराटनगर ५ स्थित बाल संसारमा कक्षा पिजी देखि ५ सम्म पठन पाठन हुँदै आएको छ ।
