विराटनगर ११ चैत । विराटनगरमा सहकारी अभियान्ताहरुवीच होली पर्वको अवसरमा शुभकामना आदान प्रदान गरिएको छ ।
जिल्ला सहकारी संघ लिमिडेड मोरङ र जिल्ला बहुउद्देश्यीय सहकारी संघ लिमिटेड मोरङको संयुक्त आयोजनामा आज शुभकामना आदानप्रदान गरिएको हो ।
कार्यक्रममा सहकारी अभियान्ताहरुले एक आपसमा विभिन्न रंगको अविर लगाएर शुभकामना आदानप्रदान गरेका थिए । राष्ट्रिय सहकारी महासंघका वरिष्ठ उपाध्यक्ष रमेश पोखरेल, प्रदेश सहकारी रजिस्ट्रार हरि बहादुर खत्रीको लगायतको उपस्थितिमा शुभकामना आदान प्रदान गरिएको थियो । सो अवसरमा मनोरञ्जनात्मक कार्यक्रम पनि गरिएको थियो ।
