विराटनगर ५ फागुन । विराटनगर–५ स्थित एभरेष्ट सेकेण्डरी स्कुलमा आजदेखि ‘एभरेष्ट कार्निभल २.०’ सुरू भएको छ । कार्निभलको पहिलो दिन आज एभरेष्ट कलेज परिसरमा कक्षा २ देखि ५ सम्मका बालबालिकाले आफूले जानेका विषयको प्रदर्शनी गरेका छन् ।
गणित, नेपाली, समाजिक, विज्ञान, कम्प्युटर, बिंगोलगायतका विभिन्न क्षेत्र छुट्याएर बालबालिकाले आफ्ना पाठ्यक्रममा रहेका विषयवस्तुको परियोजना प्रदर्शनी गरेका थिए । एउटा महोत्सव जस्तै लाग्ने कार्निभलमा रहेका ३५ वटा स्टलमा कतिपय अभिभावक तथा विद्यार्थीहरु अवलोकन गर्न, खेल्न ब्यस्त रहेका थिए ।
कार्निभलको दोस्रो दिन भोली विद्यालयभित्रै आन्तरिक प्रदर्शनी गर्ने तयारी गरेको एभरेष्टले फागुन ७ गते भने कक्षा ६ देखि १२ सम्मका विद्यार्थीको प्रत्यक्ष सहभागितामा भव्य रुपमा विभिन्न प्रदर्शनी, एभरेष्ट सिङ्गिङ आइडल– २०८०को ग्राण्ड फिनालेलगायतका कार्यक्रम गर्दै सम्पन्न गर्ने एभरेष्ट स्कुलका भाईस प्रिन्सिपल नारायण कडरीयाले बताउनुभयो ।
