विराटनगर २३ माघ । विराटनगरको शिक्षादीप माविले आयोजना गरेको ‘शिक्षादीप डान्स एण्ड सिंगिङ आईडल’मा १२ जना विद्यार्थी छनौट भएका छन् ।
आज भएको सेमीफाईनल राउण्डबाट जुनियर तर्फ ६ र सिनियर तर्फ ६ जना विद्यार्थी छनौट भएको विद्यालयका नृत्य प्रशिक्षक दीपेन्द्र थापाले जानकारी दिनुभयो । उहाँका अनुसार छनौट भएका जुनियर तर्फ रितिका भट्टराई, सुहानिका पौडेल, सिवानी पोखरेल, लिजा सहनी र कृतिका नेपाल रहेका छन् । सिनियर तर्फ निखिल सरदार, सिम्रन साह, प्रजिता राई, खुशी भुजेल, युवाना चौधरी र सनिया ठाकुर रहेको नृत्य प्रशिक्षक थापाले बताउनुभयो ।
शिक्षादीप डान्स एण्ड सिंगिङ आईडलको फाईनल खेल आगामी माघ २८ गते हुने विद्यालयका प्रिन्सीपल गणेश गौतमले जानकारी दिनुभयो । माघ ६ गतेदेखि शुरु भएको प्रतियोगिता अन्तरगत सेमीफाईनल राउण्डमा २८ जना विद्यार्थी पुगेका थिए । फाईनल राउण्डमा १२ जना छनौट भएको प्रिन्सीपल गौतमले बताउनुभयो । उहाँका अनुसार प्रतियोगितामा कक्षा ३ देखि १० सम्मका विद्यार्थी सहभागि छन् ।
