विराटनगर १८ माघ । मोरङ कटहरी ६, भौडाहाको प्रजातन्त्र माध्यामिक विद्यालयका विद्यार्थीलाई विराटनगरका समाजसेवीहरुले जर्सी वितरण गरेका छन् ।
विद्यालयमा आयोजित कार्यक्रममा ३० हजार मुल्यबराबारको ४० सेट जर्सी हस्तान्तरण गरिएको हो । मानवीय सेवा गर्ने र छात्र/छात्राहरुलाई खेल क्षेत्रमा अगाडी बढाउने उद्देश्यले जर्सी हस्तान्तरण गरेको कटहरी–४ का समाजसेवी बिनोद बोहराले बताउनुभयो ।
विराटनगर–१ का समाजसेवी अशोक कुमार झुनझुनवाला, विराटनगर–७ का देवकीनन्दन अग्रवाल, विजय कुमार अग्रवाल, श्रवण कुमार अग्रवाललगयतको सहयोगमा जर्सी वितरण गरेको बोहराले बताउनुभयो ।
विद्यालयका छात्र/छात्राहरुलाई समाजसेवीहरुले जर्सी दिएपछि विद्यालयका प्राधानाध्याप महानन्द पण्डित, शिक्षक संघ कटहरीका अध्यक्ष रन्जित सरदारले धन्यवाद व्यक्तगर्नुभयो । सो विद्यालयमा ९० प्रतिशत दलित विद्यार्थी अध्ययनरत छन् ।
