विराटनगर ११ पुस । प्रदेश १ का नवनिर्वाचित सांसद (प्रदेशसभा सदस्य)ले आज पद तथा गोपनीयताको शपथ लिएका छन् ।
विराटनगरस्थित प्रदेशसभा हलमा ९२ जना सांसदको शपथग्रहण सम्पन्न भएको हो । उनीहरुलाई ज्येष्ठ प्रदेशसभा सदस्य गयानन्द मण्डलले शपथग्रहण गराएका थिए । त्यसअघि मण्डलले प्रदेश प्रमुख पर्शुराम खापुङबाट शपथ लिएका थिए ।
प्रदेश १ मा ९३ जना सांसद रहेका छन् । तीमध्ये मण्डलले सुरुमा प्रदेश प्रमुखबाट शपथ लिएका थिए । त्यसपछि उनले ९२ जनालाई प्रदेशसभा हलमा शपथ खुवाएका थिए ।
सपथ ग्रहणपछि प्रदेशसभा सचिवालयले नवनिर्वाचित सांसदहरुलाई बधाई ज्ञापन गरेको थियो ।
