विराटनगर २५ जेठ । कोशी प्रदेशका मुख्यमन्त्री हिक्मतकुमार कार्कीले महिलाहरुको नीतिगत तहमा नेतृत्व र पहुँच स्थापित गराउन सकिए भ्रष्टाचार नियन्त्रणमा सहयोग पुग्ने बताएका छन् ।
वुधवार विराटनगरमा आयोजना गरिएको महिलाको राजनैतिक सहभागिता सम्बन्धी अन्तक्रिर्या कार्यक्रममा बोल्दै मुख्यमन्त्री कार्कीले उपपदमा मात्र महिलाहरु सिमित रहेको बताउदै महिलाहरुलाई पनि नेतृत्व दिनु पर्ने धारणा राखे । उनले एमालेका कारण महिलाहरुको राजनीतिमा ३३ प्रतिशत सहभागिता सुनिश्चित भएको धारणा राखे ।
महिलाको नेतृत्व भएको स्थानहरुमा भ्रष्टाचार कम भएको पाइएकोले महिलाहरुको नेतृत्वका लागि सबैको पहल आवश्यक भएको बताएका छन् । उनले महिलाहरु इमान्दार भएका कारण पुरुषले भन्दा राम्रो काम गर्न सक्ने बताए ।
राष्ट्रिय महिला आयोगले महिलाको नीतिगत तहमा पहुँच स्थापित गराउन प्रदेश सभाका सभामुख, उपसभामुख र प्रदेश सांसदहरुको अन्तक्रिर्या कार्यक्रम आयोजना गरेको हो । महिला आयोगकी सदस्य कृष्णकुमारी पौडेर खतिवडाले अहिलेको महिलाहरुको आवश्यक्ताका वारेमा चर्चा गरेकी थिइन । उनले महिलाहरुको समस्या र गर्ने पर्ने विषयमा महिला आयोगले के के गर्नुपर्ने हो त्यो वारेमा कुरा उठाउनु पर्ने धारणा राखीन ।
महिला आयोगकी सदस्य कृष्णकुमारी पौडेर खतिवडाको अध्यक्षतामा भएको सो कार्यक्रममा महिला संग सम्बन्धित विद्यमान कानुनी व्यवस्था तथा महिलाको पहुँच स्थापित गराउन समस्या, चुनौती बारे अन्तरक्रिया गरिएको थियो । सहभागिहरुले फरक दलबाट महिला भन्ने शव्द नतोकिएको हुनाले पनि महिलाहरुको संविधानले सुरक्षित गरेको संस्या कटौती भएको गुनासो गरेका थिए । सो कार्यक्रममा प्रदेश सभाका सांसदहरु, सुरक्षा निकायका प्रमुखहरु र संचारकर्र्मीहरुको सहभागिता रहेको थियो ।
